EcoHub Ekoloji Təşəbbüslərə Dəstək İctimai Birliyi olaraq, PAŞA Holding və Trendyol ilə birlikdə ölkəmizdə yaşıllıq sahələrinin artırılması üçün genişmiqyaslı ağacəkmə kampaniyasına start verdik! Bu təşəbbüs çərçivəsində ümumilikdə 10 hektardan çox ərazidə 12.500 ağacın əkilməsi planlaşdırılır. Kampaniyanın ilk mərhələsində, 25 aprel tarixində Bakının Müşfiqabad qəsəbəsində 500 ədəd Eldar şamı və zeytun ağacı əkildi. Bundan əlavə, Göygöl rayonunda 5.000 ağac əkilmişdir. Növbəti ağacəkmə mövsümündə Lənkəran-Astara, Şəki-Zaqatala və Quba-Xaçmaz bölgələrində yeni yaşıllıq sahələrinin salınması nəzərdə tutulur. Bu təşəbbüsümüzlə ətraf mühitin qorunmasına, biomüxtəlifliyin artırılmasına və iqlim dəyişikliklərinin təsirini azaltmağa töhfə verməyi hədəfləyirik. EcoHub olaraq, daha yaşıl gələcək üçün çalışmağa davam edirik!

“EcoHub”-ın təşəbbüsü ilə Şamaxının Mərzəndiyə kəndinin içməli su təminatı yaxşılaşdırılır. 20 dekabr tarixində Şamaxı şəhər Yaradıcılıq Mərkəzində Azərbaycan Dövlət Su Ehtiyatları Agentliyinin (ADSEA) və Şamaxı Rayon İcra Hakimiyyətinin təşkilatçılığı, “EcoHub” ekoloji platformasının təşəbbüsü, Coca-Cola Fondunun və Qlobal Su Çağırışı üzrə Koalisiyasının dəstəyi ilə həyata keçirilən “Dayanıqlı Su Təşəbbüsləri” Proqamı çərçivəsində icra olan “Şamaxı rayonunun Mərzəndiyyə kəndinin su təminatının yaxşılaşdırılması” layihəsinin təqdimatı keçirilib.

Noyabrın 30-da Unibank və EcoHub İctimai Birliyinin tərəfdaşlığı ilə təbiətin qorunması və yaşıl ərazilərin artırılması istiqamətində növbəti ağacəkmə kampaniyası keçirildi. 🌿 Bu təşəbbüs çərçivəsində zeytun və şam ağacları əkilərək, ekoloji tarazlığın bərpasına və daha sağlam gələcəyin qurulmasına töhfə verildi. 💚

“Eco Hub” Ekoloji Təşəbbüslərə Dəstək İctimai Birliyi COP29-un ikinci günündə tədbir təşkil edib. 2024-cü il noyabrın 12-də COP29 çərçivəsində Yaşıl Zonada yerləşən Milli QHT Forumu Pavilyonunda “Eco Hub” Ekoloji Təşəbbüslərə Dəstək İctimai Birliyi “İqlim Layihələrində İqlim Savadlılığı və Layihə İdarəetməsi üçün Kommunikasiyanın Gücləndirilməsi: Vətəndaş Cəmiyyəti, Media və Gənclər üçün Bacarıqların Artırılması” mövzusunda tədbir keçirib. Tədbirdə Media eksperti, PreMark Agentliyinin təsisçisi Azər Nəzərov, İnovativ Biznes və İnkubator Mərkəzinin rəhbəri, Layihələrin idarə edilməsi kafedra müdirinin müavini Rasim Abdullayev, Azərbaycan Respublikasının Prezidenti yanında VXSİDA-nin Dövlət xidmətlərinin dizaynı və innovasiyalar şöbəsinin böyük məsləhətçisi Zəhra Həşimova iştirakçıların bilik və bacarıqlarının artırılması üçün təcrübələrini bölüşüblər.

“Eco Hub” Ekoloji Təşəbbüslərə Dəstək İctimai Birliyi COP29-un açılış günündə tədbir təşkil edib. 2024-cü il noyabrın 11-də COP29 çərçivəsində Yaşıl Zonada yerləşən Milli QHT Forumu Pavilyonunda “Eco Hub” Ekoloji Təşəbbüslərə Dəstək İctimai Birliyi “Ekoloji məsələlərinin həllində əməkdaşlıq: şirkətlərin ətraf mühit fəaliyyətlərində QHT-lərin rolu” mövzusunda tədbir keçirib. ETSN yanında İctimai Şuranın katibi, EcoHub İctimai Birliyin sədri Tükəzban Ağababayeva bildirib ki, məqsəd ekoloji problemlərin həllində QHT-lərin vacib rolunu geniş auditoriyaya çatdırmaq və şirkətlərin ekoloji siyasətlərində QHT-lərlə əməkdaşlığın əhəmiyyətini önə çıxarmaqdır.

12 oktaybr 2024-cü il tarixində “Sustainability Ideation Challenge”in final mərhələsini keçirilmişdir. 100-dən artıq müraciətin daxil olduğu müsabiqədə iştirakçılar dayanıqlılıq sahəsində yaradıcı və innovativ ideyaları ilə diqqət çəkiblər. İki mərhələnin sonunda müəyyənləşən 20 komanda final mərhələsində iştirak etmək hüququ qazanaraq layihələrini öz sahəsində mütəxəssis olan münsiflər heyətinə təqdim edib.

27 sentyabr 2024-cü il tarixində “Eco Hub” Ekoloji Təşəbbüslərə Dəstək İctimai Birliyinin təşkilatçılığı, “Japan Tobacco International” (JTI) şirkətinin Azərbaycandakı nümayəndəliyinin tərəfdaşlığı ilə keçirilən təmizlik aksiyasından olan görüntüləri Sizlərə təqdim edirik. Qeyd edək ki, aksiyada tərəfdaşların əməkdaşları ilə birlikdə 500 kg-dan çox tullantı təmizlənmişdir. 🌱

📢 “Xəzəri Qoruyaq!” deyərək bu il də Xəzər sahillərini tullantılardan təmizlədik. 💪🏻 🌱 Aksiyanın həyata keçirilməsində bizimlə birgə səylə çalışan tərəfdaşlarımıza təşəkkür edirik. İnanırıq ki, gələcəkdə də sizin dəstəyinizlə daha dayanıqlı gələcək naminə səylərimizi davam etdirəcəyik. ❤️

📢 Əziz dostlar, 16 Sentyabrda Xəzərin Sumqayıt sahillərini tullantılardan təmizlədik. 💪🏻 50 könüllü Xəzərin Sumqayıt sahillərini 300 kq tullantıdan təmizlədi.💚

📢 Əziz dostlar, 12 Sentyabrda Xəzərin Şabran sahillərini tullantılardan təmizlədik. 💪🏻 80 könüllü Xəzərin Şabran sahillərini 550 kq tullantıdan təmizlədi. Siz də qoşulun və ətraf mühitə öz töhfənizi verin! 💚

📢 Əziz dostlar, 7 sentyabrda Xəzərin cənub sahillərini tullantılardan təmizlədik. 💪🏻 200 könüllünün birgə səyi nəticəsində Lənkəranda 300 kq, Astarada isə 580 kq tullantı toplanaraq aksiya uğurla başa çatdırıldı. Növbəti aksiyamız 10 sentyabrda Xaçmazda keçiriləcək. Siz də qoşulun və ətraf mühitə öz töhfənizi verin! 💚

Gənclərin öz ekoloji ideyalarını və təkliflərini peşəkar dəstəklə inkişaf etdirəcəkləri “Sustainability Ideation Challenge” müsabiqəsinin regional seçim mərhələsi davam edir! 💚 Müsabiqə “Eco Hub” Ekoloji Təşəbbüslərə Dəstək İctimai Birliyinin, “Coca-Cola” Fondunun və Ekologiya və Təbii Sərvətlər Nazirliyinin, “Yaşıl ASAN” proqramının birgə əməkdaşlığı ilə keçirilir.✅

"Yaşıl Dünya Naminə Həmrəylik İli" çərçivəsində Bravo marketlər şəbəkəsi plastik tullantıların təkrar emalını təşviq etmək məqsədi ilə yeni bir ekoloji layihəyə start verib. Layihənin əsas məqsədi plastik tullantıların düzgün idarə olunması və təkrar emalını təşviq edərək, ətraf mühitin qorunmasına, təbii resursların səmərəli istifadəsinə töhfə verməkdir. EcoHub İctimai Birliyinin təşəbbüsü, Coca Cola Fondunun və Ekologiya və Təbii Sərvətlər Nazirliyinin dəstəyi ilə icra olunan layihə çərçivəsində Bravo hiperlərin qarşısında yerləşdirilmiş plastik təkrar emal konteynerləri vasitəsilə plastik tullantıların toplanması təmin ediləcək. Bu konteynerlər Koroğlu, 20 Yanvar, Əhmədli m/s və Babək prospekti ərazisində yerləşən Bravo hiperlərdə mövcuddur.

EcoHub İB’nin təşkilatçılığı, “Norm” ASC şirkətinin əməkdaşları və könüllülərinin iştirakı ilə qəsəbənin dənizkənarı ərazisini tullantılardan təmizləyib. 0,6 hektara yaxın ərazidən yığılan tullantılar çeşidlənib və təhvil verilib. 🌱💚

Məlumat üçün bildiririk ki, EcoHub olaraq, ətraf-mühitin mühafizəsi və dayanıqlılıq öhdəliyimizin bir hissəsi kimi Beynəlxalq konsaltinq və audit şirkəti olan PwC-nin(PricewaterhouseCoopers)ofisinə xüsusi dizayn edilmiş tullantıların toplanması qutularını yerləşdirmişik. ♻️ Bu qutular müvafiq olaraq plastik, kağız və şüşə tullantılar üçün hazırlanıb, tullantıların idarə edilməsi və #təkraremal üzrə məsuliyyətli yanaşmaya təşviq edir, o cümlədən əməkdaşların eko-məsuliyyətlilik vərdişlərinin artırılmasında mühüm rol oynayır.

“EcoHub” ekoloji platformasının təşkilatçılığı ilə 16 sentyabr tarixində Beynəlxalq Sahilyanı Təmizlik Günü çərçivəsində “Xəzəri Qoruyaq!” adlı genişmiqyaslı ekoloji aksiya sona çatıb. ♻️🌊 Sentyabrın 1-dən 16-dək Xəzərin Xaçmaz, Lənkəran, Astara, Şabran, Siyəzən, Neftçala, Sumqayıt çimərliklərini əhatə edib Bakıda yekunlaşan aksiyada 1500 könüllü təxminən 11 hektar ərazini 5 tondan çox tullantıdan təmizləyib.💚

Coca-Cola Azərbaycan, Ekologiya və Təbii Sərvətlər Nazirliyi və EcoHub platformasının birgə tərəfdaşlığı ilə Beynəlxalq Təkrar Emal Günü ərəfəsində "Bu bahar ətraf mühiti də təmizləyək" şüarı ilə “Bahar təmizliyi” aksiyası keçirilir. ♻️ Aksiya çərçivəsində Dəniz Mall Ticarət Mərkəzində yerləşən toplama məntəqəsində vətəndaşlardan plastik tullantıların qəbulu həyata keçiriləcək. Qəbul məntəqəsi 20 – 25 Mart tarixləri arasında hər gün saat 11:00-dan 18:00-a kimi fəaliyyət göstərəcək. Aksiyanın sonunda daha çox yığım edən vətəndaşlara həvəsləndirici hədiyyələr təqdim olunacaq. 😍