Bu gün plastik materiallar gündəlik həyatımızın bir hissəsinə çevrilib, onlardan demək olar ki, hər yerdə istifadə olunur. Plastikdən hazırlanmış bəzi əşyalar uzun müddətli istifadə üçün hazırlanır. Onun çox böyük bir hissəsi qısamüddətli istifadə üçün nəzərdə tutulmuş və istehsal edilmişdir. (Alış-veriş çantaları, butulkalar, qablaşdırma məhsulları və s. kimi). Plastik əsrlər boyu təbiətdə toxunulmaz qala bilər. Bu gün ətrafımızda və hətta dünyanın ən ucqar guşələrində plastik tullantılar var. Plastik tullantılar təbiətə və sağlamlığımıza ciddi ziyan vurur. Hətta dənizləri çirkləndirir və dəniz canlılarına böyük ziyan vurur. Dənizlərdə və okeanlarda təxminən 142 milyon ton tullantı var ki, bu da adambaşına 20 kq tullantı deməkdir. Hər il bu rəqəmə 10 milyon ton əlavə olunduğu halda, çirklənmənin 80 faizi quru tullantılarının dənizlərə qarışmasından qaynaqlanır.

Mümkün olan hər hansı materialın təkrar emalı ətraf mühit üçün vacib amildir, lakin plastikin təkrar emalının xüsusi əhəmiyyəti var, bu onların təbiətdə gec məhv olması ilə əlaqədardır. Plastikin bioloji parçalanması yüzlərlə il çəkə bilər, onlar 1000 il ərzində təbiətdə toxunulmaz olaraq qalır. Bu tullantılar zibil qutusuna atılanda çürümür və xarab olmur. Təbiətdə uzun illər öz təsirini göstərir. Suyun və torpağın çirklənməsinə səbəb olur. Həmçinin, plastiklərin xammalı neft, qaz və kömürdür. Dünya neft ehtiyatlarının 4-5%-i plastik istehsalında istifadə olunur. Plastikin təkrar emalı təbii resurslara və enerjiyə qənaət edə bilər.