“Birlikdə gələcəyimizə nəfəs verək!”

Paylaşılıb: 28.10.2023

“Birlikdə gələcəyimizə nəfəs verək!” şüarı ilə keçirilən ağacəkmə kampaniyası Procter&Gamble-in Azərbaycanda fəaliyyətinin 25 illiyinə həsr olunub. Olduğu ölkələrdə vətəndaşlıq fəaliyyətləri ilə seçilən P&G bu addımı ilə Azərbaycanda 25 hektar torpağın erroziyasının qarşısının alınmasına səbəb olacaq. EcoHub ekoloji platforması ilə birgə həyata keçirilən layihənin məqsədi urbanizasiyanın daha sıx olduğu, karbon emissiyası və istixana qazlarının ətraf mühitə daha çox tullanıldığı ərazilərdə dayanıqlı inkişafa töhfə verən addım atmaqdır. Qeyd edək ki, “Dayanıqlı İnkişaf üçün 2030 Gündəliyi”nə öz töhfəsini vermək istəyən Procter&Gamble bütün əməliyyatlarında karbon ayaq izini kiçiltməyi və karbona neytral plana keçməyi qarşısına məqsəd qoyub. P&G öz brendləri ilə hər günü insanlar və planet üçün daha yaxşı etməyə çalışır. Şirkət öz dayanıqlı inkişaf məqsədlərini “2030 Ambisiyası” adı altında birləşdirərək, gələcəyə daha yaşıl və yaşanılabilir dünya saxlamağı hədəfləyib. P&G 2030-cu ilədək istixana qazı emissiyalarını 50% azaltmağı və bütün istehsal müəssisələri üçün 100% bərpa olunan elektrik enerjisi almağı planlaşdırıb.

❮

❯